Senior Pakistani Actor Sohail Asghar Passes Away

معروف ٹی وی اداکار سہیل اصغر آج ایک طویل علالت کے بعد اپنے خالق حقیقی سے جا ملے۔ اداکار کے اہل خانہ کے مطابق اصغر تقریباً ڈیڑھ سال سے زیادہ عرصے سے بیمار تھے اور گزشتہ ہفتے طبیعت زیادہ بگڑنے کی وجہ سے انہیں اسپتال میں منقتل کیا گیا تھا۔

Senior Pakistani Actor Sohail Asghar Passes Away

سہیل اصغر لاہور میں پیدا ہوئے اور انہوں نے اپنی ابتدائی اور اعلی تعلیم بھی وہیں مکمل کی۔ جس کے بعد انہوں نے ریڈیو پاکستان سے اپنے فنی کیرئیر کا آغاز کیا تھا۔ سال 1978 سے 1988 تک سہیل اصغر نے 10 سال ریڈیو پاکستان کے ساتھ بطور ہوسٹ کام کیا۔ جس کے بعد پھر انہوں نے تھیٹر ڈراموں سے اپنی اداکاری کے کیرئیر کا آغاز کیا تھا۔ سہیل اصغر کے مشہور ٹی وی ڈراموں میں ’لگ‘، ’پیاس‘، ’چاند گرہن‘ اور ’کاجل گھر‘ شامل ہیں۔

Pakistani Actor Sohail Asghar Passes Away

سوشل میڈیا نیوز کے مطابق سینئر پاکستانی اداکار سہیل اصغر کی ڈیڑھ سال قبل معدے کی سرجری ہوئی تھی جس کے باعث وہ شدید علیل ہو گئے تھے۔ ان کی نماز جنازہ کل بحریہ ٹاؤن کراچی میں ادا کی جائے گی۔

اہل خانہ نے اداکار کے تمام مداحوں سے دعائے مغفرت کی اپیل کی ہے۔ ہماری دعا ہے کہ اللہ پاک سہیل اصغر کو جنت الفردوس میں اعلی مقام عطا فرمائیں۔ آمین

Leave a Comment

Follow Us On Social Media