حال ہی میں اداکارہ صبا قمر کے ایک مداح نے اداکارہ کے بارے میں اپنے جذبات کا اظہار کیا ہے۔ اداکارہ کے مداح کا کہنا ہے کہ وہ صباء قمر سے اس وقت شادی کرنے کو تیار ہے جب اداکارہ کی عمر50 سال ہوجائے گی۔
معروف یوٹیوبر رافع محمود نے اپنے انسٹاگرام پر ایک سوال جواب کا سیشن کیا۔ جہاں اداکارہ صبا قمر کے ایک بہت بڑے مداح نے اداکارہ سے شادی کرنے کی خواہش کا اظہار کیا۔ صباء قمر کے مداح نے کہا کہ وہ صبا سے 50 سال کی عمر میں شادی کرنا چاہتے ہیں۔ اس نے مزید کہا کہ وہ صبا قمر کے بارے میں کافی سنجیدہ ہیں۔ لیکن بدقسمتی سے پاکستان شوبز انڈسٹری میں ان کا کوئی جاننے والا نہیں ہے جو اداکارہ تک میرا پیغام پہنچا سکے۔
یوٹیوبر رافع محمود نے اپنی انسٹاگرام پوسٹ میں اداکارہ صبا قمر کو ٹیگ کردیا۔ اور ان کو اس تجویز پر سنجیدگی سے غور کرنے کا مشورہ دیا۔ لیکن اداکارہ صباء قمر نے یوٹیوبر رافع محمود کی اس تجویز کو ٹھکراتے ہوئے جواب میں لکھا کہ “وہ کیا ہے نہ کہ مجھے قبول ہے لفظ مجھے سوٹ نہیں کرتا“۔
اداکارہ کے اس مذکورہ بیان دینے پر ان کے مداح اداکارہ کو شدید تنقید کا نشانہ بنا رہے ہیں۔ کچھ سوشل میڈیا صارفین کا کہنا کہ شادی بارے میں اداکارہ کا اس طرح بات کرنے کا انداز نہائت ہی گھٹیا ہے۔ ان میں سے اکثر کا خیال ہے کہ جس شخص کی زندگی میں بہت سی حرام چیزیں ہوتی ہیں تو اس کے لیے حلال چیزیں یقیناً زیب نہیں دیتیں۔
دوسری جانب اداکارہ کے ان الفاظ کی حمایت کرنے والوں کا ایک گروہ بھی ہے۔ وہ سمجھتے ہیں کہ اداکارہ کے اس بیان کو ہر طرح کے سیاق و سباق سے ہٹ کر لینا چاہیے۔ کیونکہ ان کا ماننا ہے کہ اداکارہ حال ہی میں ایک انتہائی سنجیدہ بریک اپ گزری ہے۔ اس کے سخت اور برے تجربات نے ہی اسے اس طرح سوچنے پر مجبور کیا ہوگا۔ نیچے دئیے گئے سکرین شارٹ کو دیکھیں۔
آپ کا کیا خیال ہے کہ اداکارہ صبا قمر کا “قبول ہے” کے بارے میں ریمارکس درست ہے یا نہیں؟ اپنے خیالات کا اظہار نیچے کمنٹ سیکشن میں کریں۔
