جویریہ عباسی ایک ورسٹائل اداکارہ، ماڈل، اور میزبان ہیں۔ وہ متعدد بلاک بسٹر ڈرامہ سیریلز میں نظر آ چکی ہیں۔ اس کے علاوہ، وہ نوجوان اور ابھرتی ہوئی اداکارہ انوشے عباسی کی بڑی بہن بھی ہیں۔ حال ہی میں دونوں بہنیں ہم ٹی وی کی ڈرامہ رقصِ بسمل میں ایک ساتھ نظر آئی ہیں۔
آج اداکارہ انوشے عباسی نے اپنی انسٹاگرام پوسٹ میں اپنی والدہ کے انتقال کی افسوس ناک خبر شئیر کی ہے۔ اداکارہ نے لکھا کہ ان کی والدہ، ناہید عباسی اپنے خالق حقیقی سے جا ملی ہیں۔ انوشے عباسی نے اپنے سبھی مداحوں سے اپنی والد کیلئے دعائے مغفرت کی اپیل بھی کی ہے۔
دوسری جانب، اداکارہ جویریہ عباسی نے بھی اپنی انسٹاگرام پوسٹ میں اپنی والدہ کے انتقال کی خبر کا اعلان کیا ہے۔ جویریہ عباسی نے اپنے مداحوں سے مرحومہ کی بخشش کے لیے دعا کی پرزور اپیل کی ہے۔ مرحومہ ناہید عباسی بھی پاکستان ڈرامہ انڈسٹری سے وابستہ تھیں۔ وہ نہ صرف ایک اچھی ماں تھیں بلکہ ایک قابل اداکارہ بھی تھیں۔ آئیے ذیل میں جویریہ عباسی اور انوشے عباسی کی اپنی والدہ کے ساتھ خوبصورت تصاویر دیکھیں۔
