عمران عباس کا شمار پاکستان کے مشہور اداکاروں میں ہوتا ہے۔ وہ اب تک بہت سارے ڈراموں میں اپنی بے مثال اداکاری کے جوہر دکھا چکے ہیں۔ ان مشہور ڈراموں میں خدا اور محبت، میری ذات زرا بے نشان اور اکبری اصغری جیسے ڈارمے شامل ہیں۔ بلاشبہ وہ ایک عظیم اداکار ہے جس کے چاہنے والے پاکستان سمیت پوری دنیا میں پائے جاتے ہیں۔
ایک روز قبل، اداکار کو اپنے والد کی وفات کے بعد دوسرے بڑے صدمے سے گزرنا پڑا۔ گزشتہ روزعمران عباس نے اپنی ماں کی وفات کے حوالے سے افسوسناک خبر کا اعلان کیا ہے. اداکار نے اس افسوس ناک خبر کو شئیر کرتے ہوئے کہا ہے کہ، “دسمبر کی 15 تاریخ کو دو سال پہلے میں نے اپنے والد کو کھو دیا تھا اور آج اسی دن میں نے اپنی ماں کو بھی کھو دیا ہے۔ میری مرحوم ماں کے لیے فاتحہ خوانی کریں۔ اِنَّا لِلّٰہِ وَاِنَّآ اِلَیْہِ رَاجِعُوْنَ۔”
عمران عباس ایک بہت پیار کرنے والا انسان اور اپنے والدین سے محبت کرنے والا بیٹا ہے، ہم نے اکثر اسے اپنے مرحوم والد اور اپنی مرحوم بہنوں میں سے ایک کے بارے میں بات کرتے ہوئے دیکھ چکے ہیں۔ ہم نے اسے اپنی ماں کے پاؤں چومتے اور ان کے ہاتھ تھامے ہوئے بہت ساری جذباتی تصویریں پوسٹ کرتے ہوئے بھی دیکھا ہے۔ وہ نہ صرف ایک اچھا فنکار ہے بلکہ ایک فرمابردار بیٹا اور بھائی بھی ثابت ہوا ہے۔
درحقیقت یہ عمران عباس کے لیے ایک اور بڑا نقصان ہے۔ ہماری دعا ہے کہ اللہ اسے اس غم ناک صدمے کو برداشت کرنے کی توفیق عطا فرمائے۔ اور ان کے مرحوم والدین کو جنت الفردوس میں اعلی مقام نصیب فرمائے۔ آمین! اداکار نے اپنے سبھی مداحوں سے بھی التماس کی ہے کہ وہ ان کے والدین کی بخشش کیلئے دعائے مغفرت فرمائیں۔
