fbpx

شوبز چھوڑنے کے بعد ثناء خان نے اپنا نام بھی تبدیل کرلیا

معروف رائیلٹی شو بگ باس سے شہرت پانے والی بھارتی اداکارہ ثناءخان نے گزشتہ ماہ اسلام کی خاطر شوبز انڈسٹری کو چھوڑنے کا اعلان کرتے ہوئے کہا تھا کہ اب وہ اپنی باقی کی تمام زندگی انسانیت کی خدمت اور اللہ تعالیٰ کے احکامات کے مطابق گزاریں گی۔ سابق اداکارہ ثناءخان نےاپنے کیریئر کا آغاز بطور ماڈل کیا تھا۔ جس کے بعد اس نے ایکٹنگ، ماڈلنگ اور ڈانس میں خوب نام کمایا۔ ثناء خان نے سال 2012 میں بگ باس سیزن 6 میں بھی حصہ لیا تھا۔ اور وہیں سے وہ شہرت کی بلندیوں پر پہنچ گئیں۔ جس کے بعد اسے بالی وڈ کی فلموں سے بھی آفرز ملیں ۔ ثناء خان کی مشہور فلموں میں” جے ہو، وجہ تم ہو، ممبے ٹو گوا، ہلّا بول اور ٹوائلٹ جیسی بڑی فلمیں شامل ہیں۔

ثنا خان کی شادی

چند روز قبل ثناء خان نے بھارتی ریاست گجرات سے تعلق رکھنے والے ایک عالم دین مفتی انس سید سے شادی کی ہے۔ اس موقع پر ثناءخان نے انسٹاگرام پر اپنے شوہر کے ہمراہ شادی کی تصویر پوسٹ کرتے ہوئے کہا کہ’ہم اللّٰہ تعالیٰ کی رضا کی خاطر ایک دوسرے سے محبت کرتے تھے اور اللّہ کی رضا کے لیے ہی ہم نے ایک دوسرے سے شادی کی ہے۔ ثناءخان کا کہنا تھا کہ

میری دعا ہے کہ اللّٰہ تعالیٰ ہمیں اس دنیا میں بھی متحد رکھے اور اگلے جہاں میں بھی ساتھ ہی رکھے۔ آخر میں انہوں نے قرآن پاک کی آیت کا ترجمہ بھی لکھا تھا کہ اور تم اپنے رب کی کون کون سی نعمتوں کو جھٹلاؤ گے؟

Advertisement

ثنا خان اب مکمل طور پر شوبز کی دنیا سے کنارہ کر چکی ہیں۔ اور شادی کے بعد اس نے اب اپنا نام بھی تبدیل کرلیا ہے۔ ثناءخان نے اپنے تمام سوشل میڈیا اکاؤنٹس پر جہاں اپنی شادی کی تصویر پوسٹ کی ہے تو وہیں انہوں نے اپنا تبدیل کرکے اپنا نام ’سیدہ ثناءخان‘ کردیا ہے۔


ثناءخان نے انسٹاگرام اسٹوریز میں اپنی بارات کے دن کی کچھ تصاویر بھی شیئر کی ہیں جس میں اس نے سرخ رنگ کا خوبصورت عروسی لباس اور ساتھ میں جیولری پہن رکھی ہے۔ جس سے وہ مزید حسین اور دلکش نظر آرہی ہیں۔ ایک عالم دین سے شادی کرنے کے بعد ثناءخان کی شادی کی تصاویر اور ویڈیوز گزشتہ روز سے انٹرنیٹ پر سنسنی خیز خبر کے طور پر بہت زیادہ وائرل ہیں۔ جبکہ دنیا بھر میں موجود ان کے چاہنے والے انہیں شادی کی مبارکباد دیتے دکھائی دے رہے ہیں اور ہر ایک شخص ثناءخان کی زندگی کے نئے سفر کے لیے نیک خواہشات کا اظہار بھی کررہا ہے۔ آیئے ثناء خان کی شادی کی تصاویر پر یک نظر ڈالتے ہیں۔

آپ کو ثناء خان اور مفتی انس سید کی شادی کی تصاویر کیسی لگی؟ اپنے رائے کا اظہار نیچے کمنٹ سیکشن میں ضرور کیجیئے گا۔

Advertisement

Leave a Comment